1 ա Բայց այն տուրք ժողովելու կողմանէ՝ որ սուրբերի համար է, ինչպէս Գաղատացիների եկեղեցիներին պատուիրեցի, այնպէս էլ դուք արէք։ 2 բ Ամեն մէկ միաշաբաթ օրերը ձեզանից ամեն մէկը թող իրան մօտ հաւաքէ՝ ինչ որ կ’յաջողուի։ 3 Որ չ’լինի թէ երբոր գամ, այն ժամանակ ժողովելը լինի. Բայց երբոր գամ՝ գ որոնց որ թղթերով ընտրեցիք, նորանց կ’ուղարկեմ՝ որ ձեր ընծան տանեն Երուսաղէմ։ 4 դ Եւ եթէ ինձ էլ արժան լինի գնալ, թող ինձ հետ գնան։ 5 Բայց ձեզ մօտ կ’գամ՝ երբ որ Մակեդոնիայի միջովն կ’անցնիմ. ե որովհետեւ Մակեդոնիայի միջովը ման կ’գամ։ 6 Եւ կարելի է որ ձեզ մօտ կ’մնամ՝ կամ թէ ձմեռը կ’անցնեմ. զ որ դուք ինձ ճանապարհ դնէք՝ որ տեղ որ գնալու լինեմ։ 7 Որովհետեւ չեմ կամենում որ ձեզ հիմա անցնողի պէս տեսնեմ. Յոյս ունիմ որ մի ժամանակ ձեզ մօտ կենամ, է եթէ Տէրը հրամայէ։ 8 Բայց հիմա Եփեսոսումն եմ կենում՝ մինչեւ Պենտէկոստէն։ 9 ը Վասնզի մեծ եւ արդիւնաւոր դուռ է բացուած ինձ, թ եւ հակառակողները շատ են։
10 ժ Հիմա եթէ Տիմոթէոսը գայ, նայեցէք որ անվախ լինի ձեզ մօտ. ի որ Տիրոջ գործն է գործում, ինչպէս որ ես էլ։ 11 լ Արդ մէկը չ’անարգէ նորան. խ եւ խաղաղութիւնով ճանապարհ դրէք նորան՝ որ ինձ մօտ գայ. Որ սպասում եմ նորան եղբայրների հետ։ 12 ծ Իսկ Ապողոս եղբօր համար գիտացէք, որ շատ աղաչեցի նորան որ ձեզ մօտ գայ եղբայրների հետ. Բայց ամենեւին կամք չ’ունէր որ հիմա գար. Բայց կ’գայ երբոր յարմար ժամանակ կ’ունենայ։
13 կ Արթուն եղէք, հ հաստատ կացէք հաւատքումը. Արիացէք եւ ձ ուժովացէք։ 14 ղ Ձեր բոլոր բաները թող սիրով լինին։
15 Աղաչում եմ ձեզ, եղբարք, ճ գիտէք Ստեփանի տունը, մ որ Աքայեցիների առաջին պտուղն է, յ եւ իրանց անձերը սուրբերի ծառայութեան նուիրեցին. 16 ն Որ դուք էլ հնազանդ լինիք այնպիսիներին, եւ այն ամենին, որ գործի շ եւ աշխատանքի ընկեր են։ 17 Ուրախ եղայ Ստեփանի եւ Փորտունատի եւ Աքայիկոսի գալու համար, որ նորանք ո ձեր պակասութիւնը լցրին։ 18 չ Որովհետեւ իմ եւ ձեր հոգուն հանգիստ տուին. պ ուրեմն ճանաչեցէք այնպիսիներին։
19 Բարեւ են տալիս ձեզ Ասիացիների եկեղեցիները. Շատ բարեւ են տալիս ձեզ Տէրով՝ Ակիւղասը եւ Պրիսկիղան ջ այն եկեղեցու հետ՝ որ նորանց տանն է։ 20 Բարեւ են տալիս ձեզ բոլոր եղբարքը. ռ բարեւ տուէք իրար սուրբ համբոյրով։
21 ս Իմ Պօղոսի ձեռքի բարեւն է։ 22 վ Եթէ մէկը Տէր Յիսուսին չ’սիրէ, տ անիծուած լինի. ր մարան-աթա։ 23 ց Մեր Տէր Յիսուս Քրիստոսի շնորհքը ձեզ հետ լինի։ 24 Եւ իմ սէրը ձեր ամենի հետ Քրիստոս Յիսուսումն. Ամէն։
Ա Կորնթացիս 16